(UTV | කොළඹ) – සියලුම මගී ගුවන් ගමන් අද (08) සිට ලබන 21 වැනිදා දක්වා තාවකාලිකව අත්හිටුවීමට ශ්‍රී ලංකන් ගුවන් සේවය තීරණය කර තිබේ.
මේ වනවිට බලධාරීන් විසින් පනවා ඇති ගුවන් සීමා සමාලෝචනය කරමින් සිටින අතර එවැනි සීමාවන් ඉවත් කරනු ලැබුවහොත් ලබන 21 දිනට පෙර කෙටි දැනුම්දීමකින් සිය මෙහෙයුම් නැවත ආරම්භ කිරීමට සූදානම්ව සිටින බව ශ්‍රී ලංකන් ගුවන් සමාගමේ සන්නිවේදන අංශය සඳහන් කරයි.
ශ්‍රී ලංකන් ගුවන් සමාගම සඳහන් කළේ අවශ්‍ය වුවහොත් මෙරටට පැමිණීමට අපේක්ෂාවෙන් සිටින ගෙන්වා ගැනීම සඳහා මෙම කාලය තුළ විශේෂ ගුවන් ගමන් ක්‍රියාත්මක කිරීමට කටයුතු කරනු ඇති බවයි.
ගුවන් සේවයෙහි ගුවන් භාණ්ඩ ප්‍රවාහන සේවා අඛණ්ඩව ක්‍රියාත්මක වනු ඇති අතර අවශ්‍ය විටෙක ඒ සඳහා විශේෂ ගුවන් ගමන් සිදු කෙරෙනු ඇති බව එම සමාගම වැඩිදුරටත් නිවේදනය කළේය.
