(UTV | කොළඹ) – අනුරාධපුර සහ මහවිලච්චියේ වට්ටක්කා වගාවෙන් ලැබී ඇති පලදාව මිළදී ගැනීමට වහා පියවර ගන්නැයි අනුරාධපුර දිසාපතිවරයාට රජය විසින් දැනුම් දී තිබේ.
ජනාධිපති ගෝඨාභය රාජපක්ෂ මහතා වට්ටක්කා මිළට ගැනීමට අවශ්‍ය මුදල් දිසාපතිවරයාට ලබා දෙන මෙන් ප්‍රාදේශීය සංවර්ධන බැංකුවට උපදෙස් ලබා දී ඇත.
අනුරාධපුර දිසාපතිවරයාගේ ද සහාය ඇතිව මිළ දී ගන්නා වට්ටක්කා තොග කොළඹට ගෙන්වා දිස්ත්‍රික්කයේ අඩු ආදායම්ලාභී පවුල්වලට බෙදා දෙන්නැයි කොළඹ දිසාපතිවරයාට දැනුම් දෙයි.
සිය වට්ටක්කා ඵලදාව අනුරාධපුර දිසාපතිවරයාට භාරදෙන මෙන් රජය ගොවි ජනතාවගෙන් ඉල්ලා සිටී.
