(UTV| කොළඹ) – මාර්තු හා අප්‍රේල් මාසයන්වල විදුලි බිල්පත් ලබාදීමේදී විශේෂිත ක්‍රමවේදයක් අනුගමනය කිරීමට ලංකා විදුලි බල මණ්ඩලය තීරණය කර කර ඇති බව එහි සභාපති විජිත හේරත් මහතා කියා සිටියේය.
ඒ අනුව , මාර්තු හා අප්‍රේල් මාස දෙකෙහිම එකතුව සටහන් කර එක් බිල්පතක් පාරිභෝගිකයාට යොමු නොකරන බවත් , එය වෙන් වෙන් වශයෙන් යොමු කරන බවත් ඔහු අවධාරණය කළේය.
එක් බිල්පතක් යොමු කළහොත් පාරිභෝගිකයා හට විශාල මුදලක් වැය කිරීමට සිදුවන බැවින් අදාළ තීරණය ගෙන තිබේ.
