(UTV | COVID-19) – නව කොරෝනා වෛරසයේ බලපෑම හේතුවෙන් තාවකාලිකව අත්හිටවූ මෝටර් රථ දෙපාර්තමේන්තුවේ දෛනික කටයුතු සිදු කරන ආකාරය සම්බන්ධයෙන් මාධ්‍ය නිවේදනයක් නිකුත් කර ඇත.
නිවසේ සිට රාජකාරි කිරීමේ රජයේ ප්‍රතිපත්තියට අනුගතව මෝටර් රථ දෙපාර්තමේන්තුවේ දිස්ත්‍රික්ක වශයෙන් සහ අදාළ කාර්ය පටිපාටිවලට අනුව වගකීම දරණ නිලධාරීන්ගේ දුරකථන අංක ඔස්සේ සේවාලාභීන්ට අවශ්‍ය තොරතුරු සහ උපදෙස් ලබාගැනීමට හැකි බව එම දෙපාර්තමේන්තුවේ කොමසාරිස් ජනරාල් සුමිත් සී.කේ. අලහකෝන් මහතා එමගින් දැනුම් දෙයි.
