(UTV | කොළඹ) – දිවයිනේ බොහෝ ප්‍රදේශවල ඉදිරි දින කිහිපයේදී වැසි තත්ත්වයේ තරමක වැඩිවීමක් බලාපොරොත්තු වන බව කාලගුණ විද්‍යා දෙපාර්තමේන්තු පවසයි.
ඒ, දිවයින ආශ්‍රිත පහළ වායුගෝලයේ පවතින කැළඹිලි තත්ත්වයක් හේතුවෙන්.
මධ්‍යම, සබරගමුව, ඌව, නැගෙනහිර සහ උතුරුමැද පළාත්වලටත්, කොළඹ සහ ගම්පහ දිස්ත්‍රික්කවලටත්, සවස් කාලයේ ගිගුරුම් සහිත වැසි ඇති විය හැකි අතර දකුණ, මධ්‍යම, සබරගමුව සහ ඌව පළාත්වලටත්, කළුතර සහ අම්පාර දිස්ත්‍රික්කවල ඇතැම් ස්ථානවලටත් මිලිමීටර 100 ක පමණ තද වැසි ඇතිවිය හැකි බව කාලගුණ විද්‍යා දෙපාර්තමේන්තුව වැඩිදුරටත් සඳහන් කරයි.
