(UTV | කොළඹ) – ආණ්ඩුක්‍රම ව්‍යවස්ථා සභාවෙන් ආචාර්ය ජයන්ත ධනපාල මහතා ඉල්ලා අස්වී තිබේ.
ඒ සිය සෞඛ්‍ය තත්ත්වය හේතුවෙන් වන බව සඳහන්.
පාර්ලිමේන්තුවේ සන්නිවේදන දෙපාර්තමේන්තුව ප්‍රකාශ කළේ පුරප්පාඩු වූ ආණ්ඩුක්‍රම ව්‍යවස්ථා සභාවේ සාමාජිකත්වයට කථානායකවරයා විසින් ලබන සතියේ පුද්ගලයෙකු නම් කරනු ඇති බවයි.
ඔහු මාස 2 කට ආසන්න කාලයක් ව්‍යවස්ථා සභාවේ රැස්වීම්වලටද සහභාගී නොවූ බව පාර්ලිමේන්තුවේ සන්නිවේදන දෙපාර්තමේන්තුව සඳහන් කරයි.
