(UTV| කොළඹ) – කොවිඩ් – 19 සෞඛ්‍ය හා සමාජ ආරක්ෂණ අරමුදලේ ශේෂය ආයතනිකව හා පෞද්ගලිකව ලැබෙන පරිත්‍යාග සහ සෘජු තැන්පතු සමගින් රුපියල් මිලියන 1128 දක්වා ඉහළ ගොස් ඇත.
ක්‍රීඩා හා තරුණ කටයුතු අමාත්‍යංශයේ කාර්ය මණ්ඩලය පරිත්‍යාග කළ රුපියල් 2,205,448.89 ක් අද (20) ජනාධිපති කාර්යාලයේදී ජනාධිපති ගෝඨාභය රාජපක්ෂ මහතා වෙත පිළිගන්වනු ලැබීය. අමාත්‍ය ඩලස් අලහප්පෙරුම මහතා ද ඊට එක්ව සිටියේය.
අමාත්‍ය මහින්ද අමරවීර මහතා ද සිය මැයි මස වැටුප වන රුපියල් 66,000ක මුදල ජනාධිපතිතුමා වෙත පිළිගැන්වීය.
නීතිපති දෙපාර්තමේන්තුවේ නීති නිලධාරීන්ගේ සංගමය පරිත්‍යාග කළ රුපියල් 1,326,449.00 ක් නීතිපති දප්පුල ද ලිවේරා මහතා ජනාධිපතිතුමා වෙත භාර දුන්නේය.
