(UTV | හැටන්) – ඉහල කොත්මලේ ජලාශයට පැන සිය දිවි හානි කර ගැනීමට තැත් කළ තරුණිය බේරා ගැනීමට ජලාශයට පැන ජීවිතක්ෂයට පත් මුස්ලිම් ජාතික හමිඩ් රිස්වාන් (28) දෙදරු පියාගේ අවසන් කටයුතු අද සිදුකිරීමට නියමිතය.
ඒ ලිදුල ෆාමස්ටන් රත්නගිරිය පොදු සුසාන භුමියේදීයි.
රිස්වාන්ගේ දේහයට අවසන් ගෞරව දැක්වීමට සෞඛ්‍යය ආරක්ෂක ක්‍රමවේද අනුගමනය කරමින් විශාල පිරිසක් දේහය තැන්පත් කර ඇති ඔහුගේ මවගේ නිවස වෙත පැමිණ සිටි අතර , තලවකැලේ පොලිසියේ සහ ලිදුල පොලිසියේ ස්ථානාධිපතිවරුන් සහ පොලිස් නිලධාරින්ද දේහයට අවසන් ගෞරව දක්වන ලදී.
