(UTV |අප්‍රිකාව ) – අප්‍රිකානු මහාද්වීපයේ කොරෝනා වෛරස් ආසාදිතයින්ගේ සංඛ්‍යාව සීග්‍රයෙන් ඉහළ යමින් තිබේ.
විදෙස් වාර්තා වල දැක්වෙන්නේ, මේ බව ලෝක සෞඛ්‍ය සංවිධානයේ අප්‍රිකානු කලාපය පිළිබද අධ්‍යක්ෂ මට්ෂිඩිසෝ මොයේටි, ජිනිවා නුවර ඊයේ පැවති වීඩියෝ මාධ්‍ය හමුවේදී සඳහන් කළ බවයි.
අප්‍රිකාවේ පළමු රෝගීන් ලක්ෂය දින 98ක් තුළද දෙවන ලක්ෂය දින 18ක් තුළද වාර්තා වේ ඇති බවයි.
එමගින් අප්‍රිකාවේ කොරෝනා වෛරස් ව්‍යාප්තිය වේගවත් වී ඇති බව තහවුරු වන්නේ යැයි ලෝක සෞඛ්‍ය සංවිධානය පෙන්වා දෙයි.
අප්‍රිකාවෙන් කොරෝනා මරණ 5635ක් ද වාර්තා වී තිබේ.
