(UTV | කොවිඩ් 19) – ඕස්ට්‍රේලියානු රජය විසින් එරට දෙවන විශාලතම නගරය වන මෙල්බර්න් නුවරට හමුදා භට කණ්ඩායම් අනුයුක්ත කිරීමට කටයුතු කර ඇත.
ඒ යළිත් වරක් එරට කොරෝනා ව්‍යාප්තිය ඉතා ඉහළ මට්ටමකට පැමිණීමට හේතුවෙන්.
පළමු අදියරේදී සෙබලුන් 1000 ක පිරිසක් යොදවා ඇති අතර , දැනට නිරෝධායනය වෙමින් සිටින පුද්ගලයන් නිරීක්ෂණය ඇතුලු වගකීම් කිහිපයක් ඔවුන්ට පවරා තිබෙන බව එරට මාධ්‍ය වාර්තා පවසයි.
ගතවූ පැය 24 තුළදී මෙල්බර්න් නගරයද අයත් වික්ටෝරියා ප්‍රාන්තයෙන් හමුවී ඇති කොවි -19 ආසාදිතයන් සංඛ්‍යාව 33 ක්.
