(UTV | කොළඹ) – සෞඛ්‍ය අධ්‍යක්ෂ ජනරාල් විසින් නිර්දේශ කර ඇති නීති රීතිවලට අනුව , ලබන 01 වනදා සිට ජාතික කෞතුකාගාරය රජයේ ප්‍රසිද්ධ නිවාඩු දිනවල හැර සෑම දිනකම පෙරවරු 9 සිට පස්වරු 4 දක්වා විවෘත කර තැබෙන බව ජාතික කෞතුකාගාර අධ්‍යක්ෂ ජනරාල් සනූජා කස්තුරිආරච්චි මහත්මිය පවසයි.
ඒ අනුව එක් වරකට උපරිම නරඹන්නන් 15 දෙනෙකු වන පරිදි විනාඩි 30 කට වරක් නරඹන්නන් ඇතුළු කරගැනීමට සැලසුම් කර ඇත.
කෞතුකාගාරයට පැමිණීමට පෙර අදාළ දුරකථන අංක අමතා දිනයක් හා වේලාවක් වෙන්කරවා ගැනීම මගින් සිදුවන අපහසුතාවයන් මගහරවා ගත හැකි බවද අධ්‍යක්ෂ ජනරාල්වරිය වැඩිදුරටත් පවසා සිටියාය.
