සියලුම රාජ්‍ය ආයතනවල වායු සමීකරණ යන්ත්‍ර සෙල්සියස් අංශක 26 අගයේ තබා ගත යුතු බවට උපදෙස් අතුලත් චක්‍රලේඛයක් නිකුත් කිරීමට කටයුතු සුදුනම් කෙරේ.
විදුලිබල හා පුනර්ජනනීය බලශක්ති නියෝජ්‍ය අමාත්‍ය අජිත් පී. පෙරේරා පැවසුවේ විදුලි බලය පිරිමසීමේ පියවරක් ලෙස මෙය ක්‍රියාත්මක කරන බවයි.
කොළඹ අද පැවති මාධ්‍ය හමුවකට එක්වෙමින් නියෝජ්‍ය අමාත්‍යවරයා මේ බව පැවසීය.
පවතින වියළි කාලගුණ තත්ත්වය හමුවේ විදුලි බලය ඉතිරි කර ගැනීමට සියලු දෙනා පියවර ගතයුතු බව නියෝජ්‍ය අමාත්‍යවරයා මෙහිදී සඳහන් කළේය.
