(UTV | කොළඹ ) – අද (27) අලූයම විදේශ රටවල සිට ශ්‍රී ලාංකිකයන් ඇතුලූ ගුවන් මගීන් 55 දෙනෙකු දිවයිනට පැමිණ තිබේ.
කටාර් සිට පැමිණි කිව්. ආර්. 668 දරණ ගුවන් යානයෙන් අද අලූයම 1.30ට පමණ ඔවුන් කටුනායක ගුවන් තොටුපල වෙත පැමිණ ඇත.
විදේශ රටවලට අයත් නෞකාවල සේවය කළ ශ්‍රී ලාංකිකයන් 47 දෙනෙකු සහ මෙරට පිහිටි විදේශ තානාපති කාර්යාලවල සේවය කරන පවුල් දෙකකට අයත් නිලධාරීන් සහ ඔවුන්ගේ පවුල්වල සාමාජිකයන් අටදෙනෙකුද එලෙස දිවයිනට පැමිණ ඇති බව සඳහන් වේ.
ගුවන් තොටුපල වෙත පැමිණීමෙන් අනතුරුව මෙම පිරිස පී.සී.ආර්. පරික්ෂණවලට ලක් කිරීමෙන් පසු නිරෝධායනය සඳහා යොමුකර තිබේ.
