(UTV | පේරාදෙණිය) – පේරාදෙණිය ගම්පොළ මාර්ගයේ ගෙලිඔය – කරමඩ ප්‍රදේශයේ දී සිදුවූ රිය අනතුරකින් අඹු සැමි යුවලක් ඇතුළු තිදෙනෙකු ජීවිතක්ෂයට පත්වූ බව පොලිසිය පවසයි.
ඊයේ පස්වරුවේ ගෙලිඔය දෙසට ධාවනය වූ යතුරුපැදියක් මාර්ගයේ ගමන් ගත් පදිකයෙකුගේ ගැටී තිබෙන අතර , ඒ සමඟම එම දිශාවටම ධාවනය වූ ත්‍රිරෝද රථයක් මාර්ගයේ වැටී සිටි පදිකයා යටකරගෙන ගොස් ඉදිරියේ නවතා තිබූ මෝටර් රථයක ද ගැටී පෙරළී ගොස් ඇත.
අනතුරින් එහිදී ත්‍රිරෝද රථයේ ගමන් ගත් කාන්තාවක් සහ ඇයගේ ස්වාමි පුරුෂයා මෙන්ම පදිකයා ද මිය ගොස් ඇති බව පොලීසිය පැවසීය.
මිය ගොස් ඇත්තේ රැකවල්පොළ ගම සහ වෙලෙම්බොඩ ප්‍රදේශයේ පදිංචිව සිටි 54 සහ 53 හැවිරිදි වියේ පසු වූ අඹු – සැමි යුවළක් වන අතර පදික පුද්ගලයා ගෙලිඔය ප්‍රදේශයේ පදිංචි 54 හැවිරිදි අයෙක්.
