දේශීය

අවසන් මැතිවරණ ප්‍රචාරක රැළි

(UTV |කොළඹ) – අද මධ්‍යම රාත්‍රියෙන් මැතිවරණ ප්‍රචාරණ කටයුතු අවසන් වීම හේතුවෙන් ප්‍රධාන දේශපාලන පක්ෂ සිය අවසන් ජනහමු සඳහා සියලු කටයුතු සූදානම් කරමින් සිටියි.

ඒ අනුව ශ්‍රී ලංකා පොදුජන පෙරමුණ සිය අවසන් ජනහමු අග්‍රාමාත්‍යවරයාගේ සහ ජනාධිපතිවරයාගේ සහභාගීත්වයෙන් අද දිනයේ හම්බන්තොට දිස්ත්‍රික්කය තුළ පැවැත්වීමට සැලසුම් කර තිබේ.

එක්සත් ජාතික පක්ෂයේ අවසන් ජන රැළිය පක්ෂ නායක රනිල් වික්‍රමසිංහ මහතාගේ ප්‍රධානත්වයෙන් මරදාන, ඩීන්ස් පාරේ දී පැවැත්වීමට නියමිතය.

සමගි ජන බලවේගයේ නායක සජිත් ප්‍රේමදාස මහතාගේ ප්‍රධානත්වයෙන් පැවැත්වෙන අවසන් ජනහමුව කොළඹ අලුත්කඩේ ප්‍රදේශයේ දී පැවැත්විමට නියමිත අතර ඔහුගේ ප්‍රධානත්වයෙන් කොළඹ දිස්ත්‍රික්කයේ ප්‍රදේශ කිහිපයක අද දිනයේ තවත් ජනහමු කිහිපයක් පැවැත්වේ.

ජාතික ජන බලවේගයේ නායක අනුර කුමාර දිසානායක මහතා සහභාගී වන අවසන් ජනහමුව ද අද පස්වරුවේ මාලිගාවත්ත ප්‍රදේශයේ දී පැවැත්වීමට නියමිතය.

Related posts

මහනුවර – මහියංගනය මාර්ගය භාවිත කරන්නන්ට දැනුම්දීමක්

Mohamed Dilsad

රාජ්‍ය සේවකයන් තමන්ගේ අනාගතය ගැන සිතා ඡන්දය භාවිතා කරන්න – වජිර අබේවර්ධන

Editor O

පාස්කු සැකකරුවන්ගේ පුනරුත්ථාපනය ගැන විශේෂ ප්‍රකාශයක්

Mohamed Dilsad

Leave a Comment