(UTV | කොවිඩ් 19) – ගෝලීය වසංගත තත්ත්වයක් ලෙසට ප්‍රකාශයට පත්කර ඇති කොවිඩ් 19 වෛරසයට එරෙහිව එන්නතක් පිළිබඳ බලාපොරොත්තු පළවුවද එවැන්නක් කිසිදින හමුනොවීමටද ඉඩ ඇති බව ලෝක සෞඛ්‍ය සංවිධානයේ ප්‍රධානී ටෙඩ්‍රොස් ඇඩනම් ගෙබ්‍රියේසස් ප්‍රකාශ කරයි.
ඔහු මේ පිළිබඳව සඳහන්කර සිටියේ ජිනීවා නුවර ඊයේ (03) පැවති මාධ්‍ය හමුවකදීයි.
ලෝක සෞඛ්‍ය සංවිධානයේ ප්‍රධානියා වැඩිදුරටත් සඳහන් කළේ ඒ අනුව කොරෝනා මැඩලීමේ රිදී උණ්ඩයක් නොමැති බවයි.
ටෙඩ්‍රොස් ඇඩනම් තවදුරටත් කියා සිටියේ කොරෝනා වෛරසයේ මූලාරම්භය පිළිබඳව සිදුකෙරෙන පර්යේෂණයේ මූලික කටයුතු මේ වනවිට අවසන් වී ඇති බවයි.
