(UTV |කොළඹ) – ලොව පුරා තර්ජනයක්ව පවතින කොරෝනා තත්වය හමුවේ රටේ සියළු දෙනා මුව ආවරණ පැළඳීමට හුරුව තිබේ.
නමුත් මෙලෙස භාවිත කරන මුව ආවරණ පරිසරයට දැඩි තර්ජනයක්ව පවතින බව වාර්තා වේ.
ඒ දිනකට ඉවත දමන මුව ආවරණ ගණන මිලියන ගණනක් වීම හේතුවෙනි.
මේ සම්බන්ධයෙන් හිටපු කතානායක කරු ජයසූරිය මහතා සිය ට්විටර් ගිණුමේ සටහනක් තබා ඇත.
රට විවෘත වී ඇති විට, කොරෝනා වෛරසයෙන් බේරීම සඳහා ඇති හොඳම මෙවලම නම් මුහුණු ආවරණය විය හැකිය. කෙසේ වෙතත්, දිනකට මිලියන ගණනක් මුහුණු ආවරණ පරිසරයට බැහැර කෙරේ. එය පාරිසරික ගැටලුවක් වීමේ ප්‍රවණතා කල්තියා විශ්ලේෂණය කොට, නිසි බැහැර කිරීමේ ක්‍රමවේදයක් සැකසීමට බලධාරීන් කටයුතු කළ යුුතුය.
— Karu Jayasuriya (@KaruOnline) August 19, 2020
