දේශීය

විදේශ අමාත්‍යාංශයේ කොන්සියුලර් සේවා තාවකාලිකව අත්හිටුවයි

(UTV| කොළඹ) –   නැවත දැනුම් දෙනතුරු විදේශ කටයුතු අමාත්‍යාංශයේ කොන්සියුලර් කටයුතු අංශය විසින් සපයනු ලබන සියලුම සේවා තාවකාලිකව අත්හිටුවා ඇත.  

විදේශ අමාත්‍යාංශය නිකුත් කල නිවේදනයක දැක්වෙන්නේ, කොවිඩ්- 19 වෛරසය පැතිරීම වැළැක්වීම පාලනය කිරීමේ ක්‍රියාමාර්ගයක් ලෙස මහජනතාවගේ එක්රැස් වීම සීමා කිරීමේ අරමුණින් එම තීරණය ගෙන ඇති බවයි.

ඒ අනුව, කොළඹ සෙලින්කෝ ගොඩනැගිල්ලේ පිහිටා ඇති කොන්සියුලර් කටයුතු අංශය, නැවත දැනුම් දෙන තෙක් අපනයන ලේඛන සහතික කිරීම සඳහා එම අංශයට පැමිණෙන අපනයනකරුවන් ඇතුලු බාහිර පුද්ගලයන් සඳහා වසා තැබෙනු ඇති.

නැවත දැනුම් දෙනතුරු මාතර සහ යාපනයේ පිහිටි ප්‍රාදේශීය කොන්සියුලර් කාර්යාල දෙකෙන් ද ලේඛන සහතික කිරීමේ සේවා ලබා නොදෙන බව විදේශ කටයුතු අමාත්‍යංශය තවදුරටත් දැනුම් දී සිටී.

 

BE INFORMED WHEREVER YOU ARE
எங்கிருந்தாலும் உடனுக்குடன்
කොතැන සිටියත් ඔබ දැනුවත්

Related posts

සයිනොපෙක් දෙවන ඉන්ධන තොගය අද දිවයිනට

Mohamed Dilsad

පොදුරාජ්‍ය මණ්ඩලීය පාර්ලිමේන්තු සංගමයේ මහලේකම් දිවයිනට

Mohamed Dilsad

කෝටි 13ක මත් පෙති අල්ලයි

Mohamed Dilsad

Leave a Comment