(UTV | කොළඹ) – පාකිස්තානු ක්රීඩකයින් තිදෙනෙකුට ලබන 26 වැනිදා ආරම්භ වන ලංකා ප්රිමියර් ලීග් (LPL) ක්රිකට් තරගාවලිය අහිමි වී යනු ඇත.
පාකිස්තානු පිලේ නවසීලන්ත තරග සංචාරය හේතුවෙන් ඒ සඳහා ඔවුනට සහභාගී වීමට සිදුනොවේ.
නවසීලන්ත සංචාරය සඳහා ක්රීඩකයින් 35 දෙනෙකුගෙන් යුත් සංචිතයක් බදාද (11) පාකිස්තාන ක්රිකට් මණ්ඩලය විසින් නම් කළ අතර ඊට මොහොමඞ් හෆීස්, වහබ් රියාස් සහ සර්ෆ්රාස් අහ්මඞ් තිදෙනාම ඇතුළත් සිටිති.
සර්ෆ්රාස් අහ්මඞ් ගාල්ල ග්ලැඩියේටර් කණ්ඩායමටත්, වහබ් රියාස් මහනුවර ටස්කර්ස් කණ්ඩායමටත්, මොහොමඞ් හෆීස් කොළඹ කිංග්ස් කණ්ඩායම සඳහාත් ක්රීඩා කිරීමට තෝරාගෙන තිබිණ.
නවසීලන්ත සංචාරය සඳහා නම්කර කරන ලද පාකිස්තාන ක්රීඩකයින් ලබන 23 වනදා නවසීලන්තය බලා පිටත්ව යාමට නියමිත අතර එහිදී ඔවුන් දින 14 ක් නිරෝධායන විය යුතුය.
