(UTV| කොළඹ) – බඩ ඉරිඟු වගාවේ පැතිර යන සේනා දළඹු හානිය මර්දනය කිරීම සඳහා මෙරටට ආනයනය කළ ජෛව රසායනිකය සාර්ථක ප්‍රතිඵල අත්කරගෙන ඇති බව කෘෂිකර්ම දෙපාර්තමේන්තුව සඳහන් කරයි.
මේ වන විට එය ප්‍රදේශ කිහිපයක අත්හදා බලා ඇති බව ද කෘෂිකර්ම දෙපාර්තමේන්තුවේ සේනා දළඹු හානිය වැළැක්වීමේ කමිටුවේ ප්‍රධානී අනුර විජේතුංග මහතා පැවසීය.
ඒ අනුව එන් පී වී නැමති එම ජෛව රසායනිකය ගොවීන් වෙත බෙදා හැරීම හෙට සිට (18) ආරම්භ කරන බව ද ඔහු ප්‍රකාශ කළේය.
අනුර විජේතුංග මහතා පැවසුවේ, සේනා දළඹුවා මර්දනය සඳහා ජෛව පාලන ක්‍රමයක් සාර්ථකව මෙරට ගොවීන්ට හඳුන්වා දෙන ප්‍රථම අවස්ථාව මෙය බවයි.
