(UTV |කොළඹ) – මෙවර 5 ශ්‍රේණිය ශිෂ්‍යත්ව විභාගයේ පාසල් කඩඉම් ලකුණු නිකුත් කිරීමේ ක්‍රමවේදය පිළිබඳව අධ්‍යාපන බලධාරීන් වහාම පැහැදිළි කිරීමක් සිදුකළ යුතු බව අමාත්‍ය බන්දුල ගුණවර්ධන මහතා පවසයි.
ජනප්‍රිය පාසල් වර්ගීකරණය කර ඒ සඳහා කඩඉම් ලකුණු නිකුත් කරනු ලබන ක්‍රමවේදයේ විනිවිදභාවයක් නොමැති බවට අමාත්‍යවරයා චෝදනා කරයි.
දීර්ඝ කාලයක සිට 5 ශ්‍රේණිය ශිෂ්‍යත්ව විභාගය සම්බන්ධයෙන් ලකුණු මට්ටම් තීරණය කරන්නේ කුමණ නිර්ණායක පදනම් කරගෙනද , කුමණ සූත්‍රයකට අනුවද යන්න පිළිබඳ කිසිම පැහැදිළි කිරීමක් කර නොමැති බව අමාත්‍ය බන්දුල ගුණවර්ධන මහතා කියා සිටියි.
මෙය මට හැඟෙන්නේ, අධ්‍යාපන අමාත්‍යාංශයේ බලවේග විසින් හසුරුවනු ලබන විවිධ පාර්ශ්වයන්ගේ ඕන එපාකම් අනුව මෙය තීරණයවන බවක් බව අමාත්‍යවරයා පෙන්වා දෙයි.
