(UTV| ගාල්ල) – ගාල්ල දිස්ත්‍රික්කයේ දෙවැනි කොරෝනා රැල්ල ආරම්භයේ සිට මේ දක්වා කාලය තුළ පාසල් දරු දැරියන් 141 දෙනෙකුට කොරෝනා වෛරසය ආසාදනය වී ඇති බවට තහවුරුවි ඇති බව ගාල්ල දිස්ත්‍රික් ප්‍රාදේශිය වසංගත රෝග විද්‍යාඥ වෛද්‍ය වෙනුර කේ. සිංගාරච්චි මහතා පවසයි.
ඒ අනුව පාසල් 69 ක දරු දැරියන් 141 දෙනෙකුට කොරෝනා වෛරසය ආසාදනය වී ඇති බව වාර්තා වෙයි.
මෙම පාසල් දරු දැරියන් නිවෙස්වල නිරෝධායනය වෙමින් සිටියදී කොරෝනා වෛරසය ආසාදානය වී ඇති බවට තහවුරුවී ඇති බවද ඒ මහතා පවසයි.
පසුගිය දින 14 කාලය තුළ පාසල් 15 ක පාසල් දරු දැරියන් 18 දෙනෙකුට කොරෝනා වෛරසය ආසාදනය වී ඇති බවද ඒ මහතා වැඩිදුරටත් සඳහන් කළේය.
