(UTV | ගිනියාව) – ඉක්වටෝරියල් ගිනි රාජ්‍යයේ යුද හමුදා කඳවුරක සිදුවූ පිපිරීම් මාලාවකින් පුද්ගලයින් 17 දෙනෙකු ජිවිතක්ෂයට පත්ව ඇති බව විදෙස් මාධ්‍ය වාර්තා පවසයි.
බටා නගරයේ මෙම හමුදා කඳවුර පිහිටා ඇති අතර, සිද්ධියෙන් 500 දෙනෙකු තුවාල ලබා ඇති බවද එම වාර්තාවල සඳහන්.
බාටා නගරයේ හමුදා බැරක්කයක් අසල මෙම පිපිරීම් සිදුව තිබේ.
නොසැලකිලිමත් ලෙස බැරැක්ක තුළ ඩයිනමයිට් ගබඩාකර තිබීම මෙම පිපිරීම්වලට හේතුවී ඇති බවද විදෙස් වාර්තා පෙන්වා දෙයි.
මේ හේතුවෙන් ගොඩනැගිලි කිහිපයක් ද කඩා වැටී ඇති අතර එහි සිරවී ඇති පිරිස් සොයා මෙහෙයුම් සිදු කෙරේ.
