(UTV | කොළඹ) – කොළඹ, පංචිකාවත්ත, සංඝරාජ මාවතේ ආහාර අලෙවි සැලක අද (24) අලුයම හටගත් ගින්නකින් ආපනශාලාවේ සේවය කළ සේවකයෙක් ජීවිතක්ෂයට පත්ව ඇති බව පොලිසිය සඳහන් කරයි.
මිය ගිය පුද්ගලයා වයස අවුරුදු 45 ක පමණ අයෙක් වන බව ද පොලිසිය පවසයි.
එම ආපනශාලාවේ ගෑස් සිලින්ඩරයක් පිපිරීයාමෙන් ගින්න හටගෙන ඇති බව පොලිසිය සැක පළ කරයි.
අද අලුයම හටගෙන තිබූ ගින්න මේ වනවිට සම්පූර්ණයෙන් නිවා දමා තිබෙන අතර , ගින්න මැඩපැවැත්වීම සඳහා ගිනිනිවීම් රථ 05 ක් යොදාගෙන තිබේ.