(UTV | තායිවානය) – තායිවානයේ උමගක් තුල සිදුවූ දුම්රිය පීලි පැනීමකින් පුද්ගලයින් 34 දෙනෙකු ජිවිතක්ෂයට පත්ව තවත් 70 කට අධික පිරිසක් තුවාල ලබා ඇති බව විදෙස් වාර්තා පවසයි.
අනතුරට ලක්වූ දුම්රියේ පුද්ගලයින් 350 දෙනෙකු ගමන් කර ඇති බවයි වාර්තා වන්නේ.
පිලි පැනීමට ලක්වූ දුම්රියේ පෙට්ටි 04ක් උමග තුල සිරවී ඇති බවත් සහන සේවකයින්ට එම ස්ථානය කරා ලඟා වීමට දැඩි පරිශ්‍රමයක් දැරීමට සිදුව ඇති බව විදෙස් මාධ්‍ය වාර්තා කර සිටියි.
තායිවානයේ මේදිනවල පැවැත්වෙන වාර්ෂික උත්සවයක් සඳහා යමින් සිටි මගින් පිරිසක් රැගත් දුම්රියක් පෙරලීයාමෙන් මෙම අනතුර සිදුව ඇත්තේ හුවාලියන් ප්‍රදේශයේදීයි.
