(UTV|කොළඹ) – රට තුල සෞඛ්‍ය සංවර්ධන කටයුතු ඉහළ නැංවීමට අදාළව නව ව්‍යාප්ති යෝජනා කිහිපයක් ක්‍රියාත්මක කිරීමට කටයුතු යොදා ඇත.
මේ සම්බන්ධයෙන් ඉන්දීය මහ කොමසාරිස් කාර්යාලයේදී ඊයේ (01) පස්වරුවේ සෞඛ්‍ය අමාත්‍ය පවිත්‍ර වන්නිආරච්චි මහත්මිය සහ ශ්‍රී ලංකාවේ ඉන්දීය මහ කොමසාරිස්වරයා අතර සාකච්ඡාවක් පැවැති බව සෞඛ්‍ය අමාත්‍යාංශය සඳහන් කරයි.
මෙරට සෞඛ්‍ය සංවර්ධන කටයුතු ඉහළ නැංවීමට ඉන්දීයානු රජයේ සහයෝගය ලබාදීම සඳහා පසුගියදා ඉන්දීය අග්‍රාමාත්‍යවරයා සහ ජනාධිපති ගෝඨාභය රාජපක්ෂ මහතා අතර පැවැති ද්විපාර්ශවික සාකච්ඡාවලදී එකඟත්වයට පැමිණ ඇත.
ඉන්දීය රජය රත්නපුර ශික්ෂණ රෝහලේ හෘද රෝග ඒකකයක් පිහිටුවීමට සහ යාපනය ශික්ෂණ රෝහලේ මාතෘ වාට්ටු සංකීර්ණයක් ඉදිකිරීමට කටයුතු කරනු බව ද සෞඛ්‍ය අමාත්‍යාංශය සඳහන් කළේය.
