(UTV | කොළඹ) – කොළඹ , බොරළැස්ගමුව සහ කුරුණෑගල යන ප්‍රදේශවල මේ දිනවල වැඩි වශයෙන් පැතිරයමින් තිබෙන්නේ මහ බ්‍රිතාන්‍යයේ පැතිරයන කොවිඩ් වෛරසයේ බී 1 යි 1 යි 7 නැමති ප්‍රභේදය බව ශ්‍රී ජයවර්ධනපුර විශ්ව විද්‍යාලය මගින් සිදුකළ පරික්ෂණයකදී අනාවරණ වී තිබේ.
මෙම නව වෛරස ප්‍රභේදය ආසාදනයවීමෙන් මරණයට පත්වීමේ හැකියාව සාමාන්‍ය කොවිඩ් 19 ප්‍රභේදයකට වඩා 55 % ක් දක්වා ඉහළ අගයක් ගන්නා බවයි විද්‍යාත්මක සාධක මගින් තහවුරු වී ඇත්තේ.
එමෙන්ම නව වෛරස ප්‍රභේදය පුද්ගලයෙකුගෙන් පුද්ගලයෙකුට බෝවීමේ හැකියාව සාමාන්‍ය වෛරස ප්‍රභේදයකට වඩා 50 % ක පමණ ඉහළ අගයක් ගන්නා බවද අනාවරණ වී ඇත.
