(UTV | කොළඹ) – කොළඹ නගරයේ පවතින මාර්ග තදබදය අවම කිරීම සඳහා ඩ්‍රෝන කැමරා භාවිත කරමින් නව රථවාහන වැඩපිළිවෙළක් දියත් කිරීමට පොලිස් රථවාහන ඒකකය කටයුතු කර ඇත.
මේ සඳහාවන නියමු ව්‍යාපෘතිය අද (06) උදෑසන කොළඹ තෝරාගත් ස්ථාන කිහිපයක දී ආරම්භ කරනු ලැබීය.
මාර්ග තදබදය අවම කිරීම , මාර්ග නීති උල්ලංඝණය කරන රියැදුරන් හදුනා ගැනීම ආදිය මෙම වැඩසටහන ඔස්සේ සිදු කෙරෙන බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා සඳහන් කළේය.
මෙම ව්‍යාපෘතිය සඳහා ශ්‍රී ලංකා ගුවන් හමුදාවේ ඩ්‍රෝන කැමරා සහ පොලිස් විශේෂ කාර්ය බලකාය සහයද ලබාගෙන තිබේ.
අද දිනයේ දී කොළඹ හයිලෙවල් මාර්ගය ආශ්‍රිතව සිදුකෙරුණු මෙම මෙහෙයුම ඉදිරියේදී පාර්ලිමේන්තු මාර්ගය මීගමු මාර්ගය වැනි ප්‍රධාන මාර්ග වලදීද ක්‍රියාත්මක කිරීමට බලාපොරොත්තුවන බව පොලිස් මාධ්‍ය ප්‍රකාශක පවසා සිටියේය.
