(UTV | කොළඹ) – නීරෝධායන නීති උල්ලංඝනය කරන පුද්ගලයින් සෙවීම සදහා ඩ්‍රෝන යානා යොදා ගැනීමට යුධ හමුදාව සහ පොලීසිය කටයුතු ආරම්භ කර ඇත.
ඒ අනුව අද (06) පෙරවරුවේ බිංගිරිය ප්‍රදේශයේ මෙම වැඩසටහන ක්‍රියාත්මක කර තිබේ.
යුධ හමුදා කාලතුවක්කු බළකාය විසින් ඩ්‍රෝන යානා යොදා ගෙන නීරෝධායන නීති උල්ලංඝනය කරන පුද්ගලයින් සොයා බැලීම සිදු කළ අතර , නීරෝධායන නීති උල්ලංඝනය කරමින් විවිධ ස්ථාන වල රැස්වී සිටින පිරිස් විසුරුවා හැරීම සඳහා යුධ හමුදා සහ පොලිස් යතුරු පැදි කණ්ඩායම් යෙදවීමට පියවරගෙන ඇත.
