(UTV | ඩුබායි) – මෙවර IPL තරගාවලියේ පන්ජාබ් කින්ග්ස් කණ්ඩායම සමග ඊයේ පැවති තරගය කඩුළු 6 කින් ජය ගැනීමට මුම්බායි ඉන්ඩියන්ස් කණ්ඩායම සමත්වුනා.
තරගය පැවැත්වුනේ අබුඩාබි හීදියි. කාසියේ වාසියේ දිනු මුම්බායි පිළ පළමුවෙන් පන්දු යැවීමටයි තීරණය කළේ.
පන්ජාබ් පිළ නියමිත පන්දුවාර 20 තුල කඩුලු 6 ක් දැවී රැස් කළ ලකුණු සංඛ්‍යාව 135 ක්.
ඒඩන් මක්‍රම් ලකුණු 42 යි. පිළිතුරු ඉනිම ක්‍රීඩා කළ මුම්බායි පිළ කඩුළු 4 ක් දැවී ලකුණු 137 ක් ලබා ගනිමින් තරගය ජය ගත්තා.
හර්දික් පාණ්ඩයා නොදැවී ලකුණු 40 යි. ලකුණු 8 කට කඩුළු 2 ක් දවාගෙන , ලකුණු 15 ක් නොදැවී රැස් කළ මුම්බායි පිළේ කිරන් පොලාර්ඩ් තරගයේ වීරයාට හිමි සම්මානය දිනා ගත්තා.
මේ අතර රාජස්ථාන් රෝයල්ස් හා රෝයල් චැලෙන්ජර්ස් බැංගලෝර් පිළ අතර තරගය අද රාත්‍රී 7 යි 30 ට ඩුබායි හීදි ආරම්භ වීමට නියමිතයි.
