(UTV | කොළඹ) – ජනතාව භාණ්ඩ මිලදී ගැනීම සඳහා පැය ගණන් පෝලිම් වල සිටීමට තිත තැබීමේ අරමුණින් අත්‍යවශ්‍ය භාණ්ඩ කිහිපයක පාලන මිල පසුගියදා ශ්‍රී ලංකා රජය විසින් ඉවත් කරන ලදී.
පසුගිය දා රජය විසින් තිරිඟු පිටි, කිරිපිටි, සිමෙන්ති සහ LP ගෑස් වැනි භාණ්ඩ නිශ්චිත භාණ්ඩ ලැයිස්තුවෙන් ඉවත් කිරීමට පියවර ගත් අතර එමඟින් ආනයනකරුවන්ට දේශීය වෙළඳපලේ භාණ්ඩ වල මිල වැඩි කිරීමට සිදු විය.
කිරිපිටි, සහල්, LP ගෑස් සහ අනෙකුත් අත්‍යාවශ්‍ය භාණ්ඩ මිලදී ගැනීම සඳහා මාස කිහිපයක් තිස්සේ ජනතාව දිනපතා රාජ්‍ය ව්‍යාපාර ආයතන ඉදිරියේ පෝලිම් වල සිටිති.
2021 සැප්තැම්බර් මස අගදී සහල් මෝල් හිමියන් පාලන මිල ඉවත් කිරීමට රජය ගත් තීරණයෙන් පසුව සහල් සඳහා නව සිල්ලර මිලක් ප්‍රකාශයට පත් කරන ලදී.
මෙම පියවර ගෙන ඇත්තේ රජය අගෝස්තු 31 වන දින ආහාර හිඟය සම්බන්ධයෙන් හදිසි තත්වයක් ප්‍රකාශයට පත් කර සලාක පැනවීම, ගොවීන්ට තම සහල් රාජ්‍ය ආයතනයකට විකිණීමට බල කිරීම සහ යම් පෞද්ගලික ගබඩාවලින් අත්පත් කර ගැනීමෙන් පසුව විදේශ මුදල් හිඟයක් ඇති වීම හේතුවෙන්.
වසංගත තත්වයට මුහුණ දෙමින් සිටින මිලියන 21 ක ජනතාවක් වෙසෙන ලංකාවේ ආහාර, ඖෂධ සහ අනෙකුත් අත්‍යවශ්‍ය ද්‍රව්‍ය හිඟයකට මුහුණ දෙමින් තිබේ.
පසුගිය මාස තුනක කාලය තුළ කොළඹ වරායේ අවහිර කර තිබූ කිරිපිටි කන්ටේනර් මුදා හැරීමට ඩොලර් මිලියන 50 ක් ලබාදුන් බව ශ්‍රී ලංකා මහ බැංකු අධිපති අජිත් නිවාඩ් කබ්රාල් ප්‍රකාශ කර තිබේ.
පාලන මිල ඉවත් කළ වහාම කිරිපිටි ආනයනකරුවන් මුලින්ම කිරිපිටි වල මිල වැඩි කර තිබේ.
මූලාශ්‍රය: A24 ප්‍රවෘත්ති ඒජන්සිය
