(UTV | කොළඹ) – පෙබරවාරි 4 වනදා පැවැත්වෙන නිදහස් දින උත්සවයේ පෙරහුරුව හේතුවෙන් අද (29) සිට ලබන 3 වනදා දක්වා නිදහස් චතුරස්‍රය ආශ්‍රිත මාර්ගයේ විශේෂ රථ වාහන සැලැස්මක් ක්‍රියාවට නංවනු ලබනවා.
පොලිස් මාධ්‍ය ප්‍රකාශක කාර්යාලය සඳහන් කළේ අද සිට දිනපතා උදෑසන 7 සිට පස්වරු 2 දක්වා මෙම රථ වාහන සැලැස්ම ක්‍රියාත්මක බවයි.
එමෙන්ම නිදහස් උළෙල පැවැත්වෙන ලබන 4 වනදා කොළඹ නගරයේ සහ නිදහස් චතුරස්‍රය ආශ්‍රිතව විශේෂ රථ වාහන සැලැස්මක් ක්‍රියාත්මක බවද පොලීසිය සඳහන් කළා.
ඒ අනුව කොළඹට ඇතුලු වීම සහ පිටවීම සඳහාද විකල්ප මාර්ග යොදා ගන්නා ලෙසයි පොලිසිය ජනතාවගෙන් ඉල්ලා සිටින්නේ.
