(UTV | කොළඹ) – ත්රස්තවාදය වැළැක්වීමේ පණත යටතේ අත්අඩංගුවට ගෙන සිටින නීතීඥ හිජාස් හිස්බුල්ලා මහතාට ඇප දීම හෝ නොදීම පිළිබඳ තීරණය ලබන 07 වෙනිදා ප්‍රකාශයට පත් කරන බව අභියාචනාධිකරණය අද දැනුම් දුන්නා.
මේනකා විජේසුන්දර සහ නීල් ඉද්දවෙල යන විනිසුරුවරුන් විසිනුයි එම දැනුම් දීම සිදුකළේ.
ත්රස්තවාදය වැළැක්වීමේ පනත යටතේ අත්අඩංගුවට ගෙන මාස විස්සකට ආසන්න කාලයක් රදවාගෙන සිටින නීතීඥ හිජාස් හිස්බුල්ලාට ඇප ලබා දීම පුත්තලම මහාධිකරණය දින කිහිපයකට පෙරද ප‍්‍රතික්ෂේප කළා.
පුත්තලම මහාධිකරණ විනිසුරුවරිය එහිදී දැනුම් දී තිබුණේ අභියාචනාධිකරණයට ඉදිරිපත් කිරීමෙන් පසු එහිදී ඇප ඉල්ලා සිටින ලෙසයි.
පසුගිය විසිවන දා නීතීඥ හිජාස් හිස්බුල්ලා අභියාචනාධිකරණයට ඉදිරිපත් කළ අවස්ථාවේ නීතිපති දෙපාර්තමේන්තුව පවසා සිටියේ, ඔහුට ඇප ලබා දීම සම්බන්ධයෙන් නීතිපති දෙපාර්තමේන්තුවේ විරෝධයක් නොමැති බවයි.
