(UTV | කොළඹ) – දිවයින පුරා සමෘද්ධි ප්‍රතිලාභීන් හට වැඩි කල 28% ක සමෘද්ධි දීමනාව ලබා දීම අද සිට ආරම්භ වනවා.
ඒ අනුව 2022 වර්ෂය තුල සමෘද්ධි ප්‍රතිලාභීන් සදහා දීමනා ලබා දීමට රුපියල් මිලියන 65,000 ක මුදලක් වැය කිරීමට රජය අපේක්ෂා කර තිබෙනවා.
මෙතෙක් රුපියල් 3500 ක දීමනාවක් ලබා ගත් පවුල් ඒකකයක් රුපියල් 4500 ක දීමනාවක් ලබන්නෙකු බවටත්, රුපියල් 2500 ක දීමනාවක් ලබා ගත් පවුල් ඒකකයකට රුපියල් 3200 ක දීමනාවක්ද ලබා දීමට සැළසුම් කර තිබෙනවා.
මීට රුපියල් 1500 ක දීමනාවක් ලබා ගත් පවුල් ඒකකයක් රුපියල් 1900 ක දීමනාවක්ද ලබන බවයි රාජ්‍ය අමාත්‍ය ෂෙහාන් සේමසිංහ මහතා දැනුම් දෙන්නේ.
ඒ අනුව සමෘද්ධි ප්‍රතිලාභීන් ලෙස දිවයින පුරා සිටින දාහත් ලක්ෂ හැට හත්දහසක පවුල් ඒකක සංඛ්‍යාවක් සදහා මෙලෙස වැඩි කල 28% ක සමෘද්ධි දීමනාව ලබා දීම අද සිට අරම්භවනු ඇති.
