(UTV | කොළඹ) – ජනාධිපතිවරයාගේ ප්‍රධානත්වයෙන් අනිද්දා දිනයේදී පැවැත්වීමට නියමිත සර්ව පාක්ෂික සමුලුවට සහභාගී නොවීමට ප්‍රධාන විපක්ෂය වන සමගි ජන බලවේගයද තීරණය කර තිබෙනවා.
පක්ෂයේ ජාතික සංවිධායක පාර්ලිමේන්තු මන්ත්‍රී තිස්ස අත්තනායක මහතා කියා සිටියේ අද පෙරවරුවේ පැවති පක්ෂයේ පාර්ලිමේන්තු මන්ත්‍රී කණ්ඩායම් රැස්වීමේදී එම තීරණය ගත් බවයි.
මෙම සමුලුවට සහභාගී නොවීමට ජාතික ජන බලවේගයද තීරණය කල බව පක්ෂ නායක පාර්ලිමේන්තු මන්ත්‍රී අනුර කුමාර දිසානායක මහතා ඊයේ පැවති මාධ්‍ය හමුවකදී සඳහන් කළා.
කෙසේ වෙතත් ද්‍රවිඩ ජාතික සන්ධානය තීරණය කර ඇත්තේ මෙම සමුලුවට සහභාගී වීමටයි.
