(UTV | කොළඹ) – මදුරන්කුලිය ඉන්ධන පිරවුම් හල අසල පැවැත්වෙන විරෝධතාවක් හේතුවෙන් පුත්තලම – හලාවත මාර්ගය අවහිර වී තිබේ.
ඉන්ධන පිරවුම්හල අසලින් මාර්ගය හරස් කරමින් ඉන්ධන ලබාදෙන ලෙස ඉල්ලා පිරිසක් විරෝධතාවයේ නිරත වන බව පොලිසිය පැවසීය.
මේ හේතුවෙන් පුත්තලම – හලාවත මාර්ගය අවහිර වී ඇති අතර ඒ අශ්‍රිත මාර්ග රැසක දැඩි රථ වාහන තදබදයක් පවතින බව වාර්තා වෙයි.
මේ වන විට මදුරන්කුලිය පොලීසියේ මැදිහත් වීමෙන් තත්වය පාලනය කිරිමේ කටයුතු සිදුකරන බව පොලිස් මුලස්ථානය සදහන් කළේය.
