(UTV | කොළඹ) – රඹුක්කන සිද්ධිය සම්බන්ධයෙන් ජනාධිපති ගෝඨාභය රාජපක්ෂ මහතා සහ අග්රාමාත්ය මහින්ද රාජපක්ෂ මහතා ට්විටර් පණිවිඩ නිකුත් කර තිබේ.
ජනාධිපතිවරයා සඳහන් කර ඇත්තේ, ශ්රී ලංකා පොලිසිය සිද්ධිය සම්බන්ධයෙන් අපක්ෂපාතී සහ විනිවිදභාවයෙන් යුතුව පරීක්ෂණයක් පවත්වනු ඇති බව ය.
විරෝධතා දක්වන විට ප්රචණ්ඩත්වයෙන් මිදෙන ලෙස තමන් සියලු ම පුරවැසියන්ගෙන් ඉල්ලා සිටින බව සිය ට්විටර් පණිවිඩයේ සඳහන් කර තිබේ.
Sri Lankan citizens’ right to peacefully protest wont be hindered. @SL_PoliceMedia will carry out an impartial & transparent inquiry re the incident at Rambukkana which led to the tragedy for which I’m deeply saddened. I urge all citizens to refrain from violence as they protest.
— Gotabaya Rajapaksa (@GotabayaR) April 20, 2022
එමෙන් ම අග්රාමාත්යවරයා ට්විටර් පණිවිඩයක් නිකුත් කරමින් සඳහන් කර ඇත්තේ, රඹුක්කන ප්රදේශයේ සිදුවූ ඛේදවාචකය පිළිබඳව තමන් දැඩි කම්පනයට පත්වූ බව ය.
ශ්රී ලංකා පොලිසිය සිද්ධිය සම්බන්ධයෙන් අපක්ෂපාතී පරීක්ෂණයක් සිදු කරනු ඇතැයි තමන්ට පූර්ණ විශ්වාසයක් ඇති බව අග්රාමාත්යවරයා මෙහිදී සඳහන් කර ඇත.
විරෝධතාකරුවන් ගෞරවයෙන් යුතුව සිය ප්රජා අයිතියේ නිරත වන ලෙසට අග්රාමාත්යවරයා මහජනතාවගෙන් ඉල්ලා සිටියි.
Deeply distressed following the tragedy in Rambukkana. I have every confidence that a strict, impartial investigation will be carried out by @SL_PoliceMedia who’ve always served #lka with utmost honor. I urge protesters to engage in their civic right with equal respect & honour.
— Mahinda Rajapaksa (@PresRajapaksa) April 20, 2022
