(UTV | කොළඹ) – අග්‍රාමාත්‍ය මහින්ද රාජපක්ෂ මහතා අද (09) ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රීවරුන්, හිටපු පළාත් සභා සහ ප්‍රාදේශීය සභා මන්ත්‍රීවරුන් ඇතුළු මන්ත්‍රීවරුන් හමුවීමට නියමිත බව වාර්තා වේ.
මැයි 06 වැනිදා පැවති විශේෂ කැබිනට් රැස්වීමේදී ජනාධිපති ගෝඨාභය රාජපක්ෂ මහතා ඇතුළු කැබිනට් මණ්ඩලය අගමැති මහින්ද රාජපක්ෂ මහතාට ඉල්ලා අස්වන ලෙස දැනුම් දී ඇත.
විකල්ප ආණ්ඩුවක් පිහිටුවිය හැකි බවට ලබාදුන් සහතිකයට යටත්ව අගමැති වරයා ඉල්ලා අස්වීමට එකඟ වී තිබුණි.
අග්‍රාමාත්‍ය මහින්ද රාජපක්ෂ අද පැවැත්වෙන රැස්වීමේදී සිය ඉල්ලා අස්වීම ප්‍රකාශ කරයිද යන්න අපැහැදිලියි.
