(UTV | කොළඹ) – ඉන්ධන අර්බුදය හමුවේ වියදම් අවම කර ගැනීමේ අරමුණින්, අද සිට ක්‍රියාත්මක වන පරිදි රාජ්‍ය සේවකයින් සේවයට කැඳවීම සීමා කර තිබෙනවා.
ඒ අනුව රාජ්‍ය ආයතනවල ආයතන ප්‍රධානියාගේ අභිමතය පරිදි අත්‍යාවශ්‍යම සේවකයින් පමණක් සේවයට කැඳවන ලෙසටයි දැනුම් දී ඇත්තේ.
ඊට අදාළ චක්‍ර ලේඛය රාජ්‍ය පරිපාලන හා ස්වදේශ කටයුතු, පළාත් සභා හා පළාත් පාලන අමාත්‍යංශයේ ලේකම්වරයා ඊයේ නිකුත් කළා.
ඒ අනුව ජනතාවට ඉටුවන කාර්යයන්ට බාධාවක් නොවන පරිදි රජයේ නිලධාරීන් සේවයට කැඳවීමේ බලය අමාත්‍යංශ හා පළාත් ප්‍රධාන ලේකම්වරුන්ට මෙන්ම දෙපාර්තමේන්තු ප්‍රධානීන්ට හිමිවනවා.
