(UTV | කොළඹ) – දිවයින තුළ පවතින ආර්ථික අර්බුදය හේතුවෙන් මෙරට ඉස්ලාම් භක්තිකයන් ඉතිහාසයේ පළමු වතාවට මෙවර හජ් වන්දනාව සඳහා සහභාගී නොකිරීමට මුස්ලිම් ආගමික හා සංස්කෘතික කටයුතු දෙපාර්තමේන්තුව තීරණය කර ඇත.
මෙවර හජ් වන්දනාව සඳහා ලංකාවේ පුද්ගලයන් 1,585 දෙනෙකුට සහභාගී වීම සඳහා අවස්ථාව හිමිවී තිබුණත් පවතින ඩොලර් හිඟය හේතුවෙන් ඔවුන් හජ් වන්දනාවට සහභාගී නොවීමට තීරණය කර තිබේ.
එම තීරණයට එළඹ ඇත්තේ ජාතික හජ් කමිටුව, හජ් සංචාරක සංවිධානය, මුස්ලිම් ආගමික හා සංස්කෘතික කටයුතු දෙපාර්තමේන්තුව ඇතුළු පාර්ශව කිහිපයක් අතර පැවැති සාකච්ඡාවකින් අනතුරුව යි.
