(UTV | කොළඹ) – ලිට්‍රෝ සමාගම ගෘහස්ථ ගෑස් සිලින්ඩර අද (16) දිනයේ ද බෙදානොහරින බව ලිට්‍රෝ ගෑස් සමාගම පවසයි.
එහි මාධ්‍ය ප්‍රකාශක වී. කේතේෂ්වරම් ඊයේ(15) පස්වරුවේ මේ බව සදහන් කරමින් පැවසුවේ ඩොලර් ගෙවා නිදහස්කරගත් නෞකාවේ ගෑස් මෙට්‍රික්ටොන් 3,900ක් ගොඩබා අවසන් බවයි.
ලිට්‍රෝ සමාගම පසුගිය 4 වැනිදා සිට අඛණ්ඩව දින 13 ක් ගෘහස්ථ ගෑස් සපයා නොමැති අතර සැපයුම නොමැති වුවද ජනතාව අඛණ්ඩව ගෑස් අළෙවිසල් අසළ දිගු පෝලිම්වල රැදී සිටිති.
