(UTV | කොළඹ) – සපුගස්කන්ද තෙල් පිරිපහදුවට අවශ්‍ය බොරතෙල් හිඟවීම මත සතියක් පමණ කාලය ඇතුළත එම පිරිපහදුව වැසීයෑමේ දැඩි අවදානමක් මේ වනවිට මතුව ඇතැයි එම පිරිපහදු අභ්‍යන්තර ආරංචි මාර්ග පෙන්වා දෙයි.
එසේ වුවහොත් යළි තෙල් පිරිපහදු ක්‍රියාවලිය සම්පූර්ණයෙන් ම ඇනහිටින බව ද ඒ හේතුවෙන් රට මුහුණදී ඇති ඉන්ධන අර්බුදය තවත් ඔඩුදුවන බව ද එම අභ්‍යන්තර ආරංචි මාර්ග අනතුරු අඟවනු ලැබීය.
මෙලෙස විටින් විට සපුගස්කන්ද තෙල් පිරිපහදුව වැසී යාම එහි ජීව ගුණයට ද ප්‍රබල තර්ජනයක් බව ඔවුහු පෙන්වා දෙති.
