(UTV | රුසියාව) – ලොව ප්‍රකට ක්‍රීඩා භාණ්ඩ අලෙවිකරුවෙක් වන නයිකි සමාගම රුසියාව තුළ වෙළඳ කටයුතු සිදු කිරීම මුළුමනින්ම නවතා දැමීමට තීරණය කර තිබේ.
ඒ රුසියාව යුක්රේනයට එරෙහිව අඛණ්ඩව සිදු කරන යුද ප්‍රහාර සැලකිල්ලට ගනිමින්ය.
ඇමෙරිකානු සමාගමක් වන නයිකි සතුව රුසියාව තුළ අලෙවි ප්‍රදර්ශනාගාර 1,000 ට අධික සංඛ්‍යවක් තිබෙන බවට වර්හ වී ඇත.
මේ නිසා රුසියානුවන්ට අහිමි වන රැකියා සංඛ්‍යාව සැලකිය යුතු අගයක් වනු ඇත.
මේ වන විට ලොව ප්‍රකට සන්නාම වන මැක් ඩොනල්ඩ්ස් , ස්ටාර් බකස් , සහ කොකා කෝලා ඇතුළු සමාගම් 300 ට අධික සංඛ්‍යාවක් රුසියාව තුළ වෙළඳාම අත්හිටුවා තිබේ.
කෙසේ වෙතත් රුසියානු වෙළෙඳාම් ප්‍රතික්ෂේප කරන එම සමාගම් වෙනුවට නව රුසියානු දේශීය සමාගම් ස්ථාපනයටයි මේ වන විට පියවර ගෙන ඇති බවට වාර්තා වෙයි.
