(UTV | කොළඹ) – ඉන්ධන හිගය – උද්ධමනය ඇතුලු කරුණු ගණනාවකින් පීඩා එල්ල වුවද දේශිය පොල්තෙල් මිළ ඉහල නැංවිමේ සූදානමක් නැතැයි සමස්ථ ලංකා පාරම්පරික පොල්තෙල් නිෂ්පාදකවරුන්ගේ සංගමය අවධාරණය කරනවා.
එහි ප්‍රධාන කැදවුම්කරු බුද්ධික ද සිල්වා මහතා අදහස් දක්වමින් පෙන්වා දුන්නේ පොල්තෙල් කිලෝව තොග නිෂ්පාදයකයන්ට ලබාදෙන්නේ කිලෝව රුපියල් 550 කට බවයි.
පාරිභෝගිකයින් ආරක්ෂා කර ගැනීම සඳහා කර්මාන්තය තුළ විවිධ අභියෝග එල්ල වුවද පොල්තෙල් මිල ඉහළ ගොස් නොමැති බව ඔහු සඳහන් කළේය.
පොල්තෙල් අතින් ශ්‍රී ලංකාව ස්වයංපෝෂිත බව සඳහන් කළ ඔහු මිල ස්ථාවරව පවතින බව ද සඳහන් කළේය.
ඇතැම් අතරමැදියන් සහ ව්‍යාපාරිකයන් පොල්තෙල් ඉහළ මිලට අලෙවි කරමින් පාරිභෝගිකයන් උදුරා ගැනීමට උත්සාහ කරන බවද ඔහු පැවසීය.
මෙවැනි ක්‍රියා සම්බන්ධයෙන් අවධානයෙන් පසුවන ලෙස ද සිල්වා ජනතාවට දැනුම් දුන් අතර විශ්වාසදායක වෙළෙන්දන්ගෙන් පොල්තෙල් ලබා ගන්නා ලෙස පාරිභෝගිකයින්ගෙන් ඉල්ලා සිටියේය.
