(UTV | කොළඹ) – ජනාධිපති ගෝඨාභය රාජපක්ෂ හා හිටපු මුදල් අමාත්‍ය බැසිල් රාජපක්ෂගේ සංචාර සඳහා සඳහා ඉන්දියාව පහසුකම් සැලසූ බවට පළවන පදනම් විරහිත වාර්තා තරයේ ප්‍රතික්ෂේප කරන බව කොළඹ ඉන්දීය මහ කොමසාරිස් කාර්යාලය පවසයි.
ප්‍රජාතන්ත්‍රවාදී ආයතන සහ ව්‍යවස්ථාමය රාමුව හරහා සමෘද්ධිය හා ප්‍රගතිය සඳහා සිය අභිලාසයන් සාක්ෂාත් කර ගැනීමට උත්සාහ දරන ශ්‍රී ලාංකික ජනතාවට ඉන්දියාව අඛණ්ඩ සහයෝගය ලබා දෙන බව ට්විටර් පණිවුඩයක් නිකුත් කරමින් ඉන්දීය මහ කොමසාරිස් කාර්යාලය අවධාරණය කරයි.
