(UTV | කොළඹ) – තරගයේ අවස්ථා කිහිපයක් මගහැරීම ශ්‍රී ලංකාව සහ පකිස්ථාන අතර පැවති පළමු ටෙස්ට් ක්‍රිකට් තරග පරාජයට හේතුවක් වූ බව ශ්‍රී ලංකා කණ්ඩායමේ තුන්ඉරියව් ක්‍රීඩක ධනංජයද සිල්වා පවසනවා.
ඊයේ පැවති පළමු ටෙස්ට් තරගයෙන් අනතුරුව කැදවා තිබූ මාධ්‍ය හමුවට එක්වෙමිනුයි ඔහු මේ බව කියා සිටියේ.
අවසන් දිනයේ ක්‍රීඩාංගනයක තණතීරුව මතුපිට බලාපොරොත්තු වූ පරිදි පන්දුව දඟ නොවැටුණු බව ඔහු පැවසීය.
ධනංජය ද සිල්වා ද ගිලිහී ගිය අවස්ථා සමඟින් දැවී ගිය අතර ප්‍රභාත් ජයසූරිය පමණක් දැඩි ලයින් සහ ලෙංග්ට් පන්දු යැවීමට සමත් විය.
අනෙක් දඟපන්දු යවන්නන් දෙදෙනා ස්ථාවර පන්දු යැවීමක නිරත වූයේ නම් ඔවුන්ට ප්‍රහාර එල්ල කිරීමට ඉඩ තිබූ බවයි ඔහු කියා සිටියේ.
නිරෝෂන් දික්වැල්ලගේ දස්කම් ගැන කළ විමසීමකදී ධනංජය ද සිල්වා කියා සිටියේ මේ වන විට ශ්‍රී ලංකාවේ සිටින හොඳම පන්දු රකින්නා ඔහු බවත්, ඔහු විශාල ශතක ලබා නොගත්තද කණ්ඩායමට වටිනා ලකුණු ලබාදී ඇති බවත්ය. ඉදිරියේදී දික්වැල්ල විශාල ශතක වාර්තා කරනු ඇතැයි ද සිල්වා අපේක්ෂා කරයි.
