(UTV | කොළඹ) – රුහුණු කුමාරි ශීඝ්‍රගාමී දුම්රිය පීලි පැනීම හේතුවෙන් මුහුදුබඩ මාර්ගයේ දුම්රිය ධාවන කටයුතුවලට බාධා එල්ල වී තිබේ.
බෙලිඅත්තේ සිට මරදාන ධාවනය වූ එම දුම්රිය අද (15) පෙරවරුවේ බූස්ස ප්‍රදේශයේදී පිලීපැනීමකට ලක්ව ඇත.
ඒ හේතුවෙන් කොළඹ සිට ධාවනය වන දුම්රිය හික්කඩුව දක්වා සීමා කිරීමට බලධාරීන් පියවර ගෙන තිබේ.
එම මාර්ගයේ දුම්රිය ධාවනය යථා තත්ත්වයට පත් කිරීමට කඩිනම් පියවර ගනිමින් සිටින බව දුම්රිය දෙපාර්තමේන්තුව පැවසීය.
