(UTV | රුසියාව) – එක්සත් ජනපද නියෝජිත මන්ත්‍රී මණ්ඩලයේ කථානායක නැන්සි පෙලෝසි විසින් චීනයේ තායිවාන් කලාපයට කළ සංචාරය වගකීම් විරහිත දේශපාලනඥයෙකුගේ සංචාරයක් පමණක් නොව, කලාපය සහ ලෝකය අස්ථාවර කිරීමට සහ අවුල් වියවුල් වැපිරීමේ අරමුණු සහිත, සවිඥානික එක්සත් ජනපද උපාය මාර්ගයක කොටසක් බව රුසියානු ජනාධිපති ව්ලැදිමීර් පූටින් පවසයි.
ඔහු මේ බව ප්‍රකාශ කළේ දේශප්‍රේමී හමුදා-දේශප්‍රේමී උද්‍යානයේ පැවති “යුද හමුදාව-2022” ජාත්‍යන්තර හමුදා-තාක්ෂණික සංසදය සහ ජාත්‍යන්තර හමුදා ක්‍රීඩා-2022 සමාරම්භක උත්සවයේදීය.
තායිවාන සමුද්‍ර සන්ධිය හරහා ආතතීන් උත්සන්න කරමින් චීනයේ අනතුරු ඇඟවීම්වලට එරෙහිව පෙලෝසි මේ මස මුලදී චීනයේ තායිවාන කලාපයේ සංචාරයක නිරත විය.
ඔස්ට්‍රේලියාව, බ්‍රිතාන්‍යය සහ එක්සත් ජනපදය අතර ඇති AUKUS ආරක්ෂක ගිවිසුමද රුසියානු ජනාධිපතිවරයා උපුටා දක්වමින් ආසියානු පැසිෆික් කලාපය තුළ නේටෝ පන්නයේ කඳවුරක් ගොඩනැගීමට බටහිරයන් දරන උත්සාහයේ සාක්ෂියක් ලෙස සඳහන් කළේය.
නව මාදිලියේ ආයුධ සහ උපකරණ නිර්මාණය කිරීම සඳහා වෙනත් රටවල් සමඟ සහයෝගීතා සබඳතා සක්‍රීයව වර්ධනය කිරීමට රුසියාව අදහස් කරන බව ඔහු පැවසීය. ඒකාබද්ධ හමුදා අභ්‍යාස ඇතුළු තවත් විදේශ සෙබළුන් පුහුණු කිරීමටද පූටින් කැමැත්ත පළ කළේය.
