(UTV | කොළඹ) – යුරෝපය පුරා පවතින අධික උෂ්ණත්වය සහ නියඟය හේතුවෙන් ස්පාඤ්ඤය ඇතුලු යුරෝපා රටවල ඔලිව් වගාවට දැඩි බලපෑම් එල්ල වී ඇති බව විදෙස් මාධ්‍ය පවසයි.
ඒ හේතුවෙන් ඉදිරියේදී ඔලිව් තෙල් හිඟයක් ඇතිවිය හැකි බවයි ස්පාඤ්ඤ ඔලිව් වගාකරුවන් ප්‍රකාශ කර ඇත.
ගෝලීය ඔලිව් නිෂ්පාදනයෙන් පහෙන් දෙකක සැපයුම්කරුවා වන්නේ ද ස්පාඤ්ඤයයි.
මේ වනවිටත් ලොව පුරා ඔලිව් තෙල් මිල 14%කින් පමණ ඉහළ ගොස් ඇති අතර, ඉදිරියේදී ඔලිව් තෙල් මිල තවදුරටත් ඉහළ යාමේ අවදානමක් මතුව තිබේ.
පසුගිය ජූලි මාසයේදී ස්පාඤ්ඤය, ඉතාලිය, සහ පෘතුගාලයේ උෂ්ණත්වය සෙල්සියස් අංශක 40 ඉක්මවා වර්තාවුණි.
