දේශීය

අහුංගල්ලේ වෙඩි තැබීමකින් දෙදෙනෙකුට තුවාල

(UTV |  අහුංගල්ල) – අහුංගල්ල, බෝගහපිටිය ප්‍රදේශයේදී පුද්ගලයින් දෙදෙනෙකුට ඊයේ (23) රාත්‍රියේ වෙඩි තබා තිබේ.

පොලිසිය සඳහන් කළේ, වෙඩි තැබීමෙන් ඔවුන් දෙදෙනා තුවාල ලබා බලපිටිය රෝහල වෙත ප්‍රතිකාර සඳහා ඇතුළත් කර ඇති බව ය.

අදාළ පුද්ගලයින් දෙදෙනා බෝහගපිටිය, ඌරගහ මාර්ගයේ ත්‍රිරෝද රථයකින් ගමන් කරමින් සිටියදී වෙඩි ප්‍රහාරයට ලක් වී ඇති බවට දැනට සිදු කරන ලද විමර්ශනවලදී අනාවරණය වී ඇත.

ඔවුන් වයස අවුරුදු 24ක් සහ 29ක් වන අහුංගල්ල ප්‍රදේශයේ පදිංචිකරුවන් බව පොලිසිය පැවසීය.

වෙඩි තැබීම සිදු කළ පුද්ගලයින් සම්බන්ධයෙන් මෙතෙක් තොරතුරු අනාවරණය වී නොමැති අතර වෙඩි තැබීම සඳහා බෝර 12 වර්ගයේ ගිනි අවියක් යොදාගෙන ඇතැයි පොලිසිය සැක කරයි.

සිද්ධිය සම්බන්ධයෙන් අහුංගල්ල පොලිසිය වැඩිදුර විමර්ශන සිදු කරයි.

Related posts

විශ්ව විද්‍යාල නැවත විවෘත කිරීම තවදුරටත් කල් යයි

Mohamed Dilsad

ආචාර්ය හර්ෂ ද සිල්වා රන්ජන්ගේ පුරප්පාඩු වූ මන්ත්‍රී ධූරයට

Mohamed Dilsad

අද සිට අන්තර් පළාත් දුර ගමන් සේවා බස් රථ

Mohamed Dilsad

Leave a Comment